COMITÉ DE I+D+i
INTACTA atópase no proceso de implantar no marco do programa INNOVAPEME un Comité de Innovación. Se ben manter unha cultura innovadora é cousa de todos, este comité permitirá xestionar a I+D+i dentro da empresa dunha forma máis orgánica e transversal, facilitando a identificación de oportunidades e a posta en valor dos coñecementos que vaiamos acumulando durante a nosa actividade empresarial.
O Comité de Innovación será transversal aos diferentes departamentos técnicos da empresa, coa fin de aplicar un enfoque multidisciplinar á hora de identificar as oportunidades de I+D+i e abordar a súa execución, e encargarase de levar a cabo as seguintes actuacións e procesos operativos:
- Captación de ideas a nivel interno e externo incluíndo a colaboración con outros axentes do ecosistema e a vixilancia tecnolóxica.
- Definición das actuacións de I+D+i a realizar.
- Definición dun procedemento interno para a xestión integral da I+D+i.
- Elaboración de estratexias para a explotación dos resultados.
