Este luns 30 de setembro INTACTA celebrou nas súas oficinas centrais nas Pontes a xornada de presentación dos resultados da súa participación no programa InnovaPeme, da Axencia Galega de Innovación.
O InnovaPeme é un programa dirixido ás pequenas e medianas empresas para o financiamento de actividades integradas en plans de innovación que lles permitan sistematizar e fortalecer as súas capacidades neste eido.
Como resultado da súa participación neste programa, INTACTA vén de poñer en marcha o seu propio plan de innovación, no que destacan o desenvolvemento dunha ferramenta software de xestión da I+D na empresa e a realización en colaboración con ANFACO-CECOPESCA de estudios de laboratorio para o uso de microalgas no tratamento de augas residuais.
INTACTA é unha empresa de enxeñería e servicios ambientais, especializada no desenvolvemento de proxectos e prestación de servizos para os sectores do tratamento de augas, tratamento de residuos e industria. INTACTA foi creada no ano 2011 e conta actualmente cun equipo de máis de 100 profesionais altamente cualificados que desenvolven a súa labor desde Galicia e en todo o territorio español.